اللي أوله شرط آخره .....

أوله شرط آخره .....

السلام عليكم

جيف الحال؟؟؟

على الرغم من قلة عدد الأعضاء .. الا اني لاحظت نمو آفه اذا صح التعبير

بدأت تنتشر في ارجاء منتدانا واتمنى نقضي عليها الحين وبدون أي تردد ..

ثانكس .. تسلم .. مشكورة ........ الخ

كثير من الردود اللي قريتها كانت من هذي النوعيه ..

ما ادري اذا كان شعور بقية الاعضاء شرات شعوري .. لكني ..

اذا كتبت موضوع وشفت هذي الردود أنحبط وااااايد ..

وحتى لو كنت مجرد قارئ أتصفح الموضوع بمل بسرعه ومابكمل قرايتي للردود لانها كلها نفس الشي !!!

لو اختلفت الالفاظ ولكن المعنى واحد ..

صح انا وياكم لازم نشكر صاحب الموضوع ..

لكن .. لو أضفت الى الشكر تعليق بسيط ع الموضوع .. أبديت رايك في السالفه .. كتبت شعورك .. ذكرت قصه

أو موقف .. او اي شي ثاني ..

هذا من وجهه نظري الشخصية يفرح الكاتب ويدفعه لبذل المزيد من الجهد لكتابة المزيد من المواضيع ..

ما يحتاي تكون أديب أو فيلسوف عشان تعلق على أي موضوع ..

وغير مطلوب منك تعصر مخيخك وتشمر عن ساعديك عشان تحقق الغاية نفسها ..

نحن مب في حصة عربي ولازم نكتب تعبير عليه درجات ..

لكن .. أخرج قلمك من غمده وسطر لنا رأيك بدون تكلف وبكل بساطة وسلاسة ..

نقطه أخيرة .. أتمنى من الجميع متابعة الردود التي تكتب في مواضيعهم والتعقيب عليها ..