طريقتي في عمل العود المعطر

حبيت بموضوعي هذا اني اشاركن خبرتي في العطور والبخور


طبعا انا من النوع اللي اموت بشي اسمه عطر او بخور وتوابعهن


حتى ريلي خليته بنفس الاجواء


طبعا الكريمات واللوشنات هاذيل لهن موضوع ثاني


نرجع لموضوعنا

العود المعطر


طبعا مب كل الناس تحب العود المعطر

فيه ناس ما يتبخور الا بالعود الخالص

هذا نتركه للضيوف وللمناسبات

اما استخدام العود المعطر فهو للبخور اليومي


المهم اليوم سويت لي عود معطر وحبيت انكن تشاركني



طبعا عشان تسوي عود معطر بتحتاجين لـ :

عود (( يفضل انها تكون قطع صغيره ))
عطر عربي
علبه عشان تحطينهم فيها
ومسك (( لو تحبين ))



تختارين العود اللي يكون لونه داكن
والسبب انه امتصاصه يكون احسن للعطر



تصفين العود بالغرشه.. وتحاولين انه ما يكون فيها فراغات وايد
والسبب انها الفراغات بيتجمع فيها العطر وما بتستفيدين منه للعود



تصبين العطر حوالي 5 تولات للعلبه
ممكن انج تشترين العطر جاهز او انج انتي بروحج تخلطينه

لا تقللين من العطر لانه بيكون العود بدون ريحه بعدين (( يعني تعبتي ع الفاضي ))


طبعا يوصل للنص
بهالمرحله تقدرين تضيفين المسك بس كميه قليله لانه يولع ع الجمر بسرعه بعدين



واخر شي ممكن اتحطين استكيرات ع العود المعطر وطبعا عليها التسميات طبعا بس حبيت انكن

تستفيدن من اللي اعرفه

اتمنى اكون فدتكم

و دمتم بود

مشكوره حبيبتي

انا بجرب

وبخبرج اذا استوا

بس حبيت اعرف كم يوم اخليه والا استخدمه ع طول

مشكوره اختى

ام خليفة على المعلومه

شكرا علة هذه المعلومه



تحياتي

ما شاء الله عليج

اذا امكن بغيت اعرف طريقة اللوشنات

وتسلمين عالموضوع

مشكوره اختي على الطريق
وان شاء الله راح اجربها