تفتح في خفوقي ورد ذابل سقيته من نهورن عاطفيه

(( هل العيــــــ~ــــين ))


عائلة بو خالد :خمس بنتين وثلاث اولادالبنت الاولى مهرة وهي البجر وعمرها 23 معرسة وياحيه لي ماخذنها حلوة وام عيون سود ووساع جمالها حلو وبيضة وعيونها ناعساات عندها بنيه اسمها وديمه


والبنت الثانيه اشواق معرسة وعمرها 22 وتشبه مهر ة بكل شي بس اشواق شعرها اطول واسووووووووود سواد الليل وعندها ولد اسمه مكتوم


ملاحظهــ: (( كلهن معرسات وعايشات فالمانيا عند خالتهن لانهن ماخذات ولاد خالتهن ريل مهرة حامد وريل اشواق طارق ))




والولد اخوهم اسمه خالد عمره 21 طويل وله هيبه وفيهـ شبهـ من ابوووه وريال مايهاب أي شي بس شوي عصبي وعنده كلمهـ الحق فوق كل شي ويحب حرمته


حرمهـ خالد (غالية) وهي طويلة تقريبا نفس طول خالد وحلوووووووووووة وشعرها طويل وعيونها وساع وناعسات وحرمة اتحب ريلها واتخاف عليه

والرابع هو حمد عمره 20 سنه انسان محترم وهادي وغير عن خوانه ومايحب سوالف البنات وخرابيطهن موووووووووول ودوومهـ ويا راشد


وهزاع اخر العنقووووووود وعمره 16سنه طويل وطوله معطيه انه اكبر عن عمره ومتفوق فالدراسه وهو صث ثاني ثاانوي وشاد حيلهـ مرة ولد علمي << بالعربي دحيح زمانهـ خخ



وبعد ماتعرفنا على العيال ني للام والاب ^_^


ام خالد ام اتحب عيالها وهمها الاول والاخير كيف اتربيهم وكيف اتكون اخلاقهم وتصرفاتهم وعمرها40سنه صار لهم 29 سنهـ من عرسوو ^_^ ودومهم متفاهمين وحياتهم عال العال


وابوخالد يموت فعياله وماله بسوالف الطلعات واليايات من الدوام للبيت ومن البيت للدوام عمره 55سنه


عائلة بوعلي:

بوعلي :وعمره 50سنه وام علي 53 سنه اكبر عن ريلها بس مايبان عليها موووول بالعكس لي يجوفها يعطيها اصغر عن جي
وعندهم ست عيال

جواهر وعمرها 25 سنه وعندها ولد واحد اسمه خلفان جواهر اتمووووت على ولدها وماتتصورون اشقد مهتمه فيه خلفان عمره 10سنوات جواهر شوي متينه وحليوووووووى وفيها سمار بدااوه وعيونها سود ووساع


علي وعمر29سنه معرس صار له 5سنوات بس ماعنده عيال حاولت امه وياه انه يعرس بحرمه ثانيه لاكنه رافض الفكرة لانه يحب حرمته اروى ويعشق الارض لي تمشي عليها

((اروى حرمهـ علي )) اصغر عنه بثمان سنوات عمرها 21سنه



وعقبه راشد وعمره 23سنه يعشق البر ويعشق الهدوء والمواتر طويل وشعره اسود ومطولنه شويه ويشتغل لكنه ظهر من الشغل لانه يوم مداوم وعشر تاخير خخ وكان معرس بس طلق حرمته وعنده بنتين وولد وحده عمرها ثلاث سنوات ووحده سنه ونص والصغير كم من شهر طلق حرمته لانه خذاها بالسر وابوه ماكان يعرف والحرمه اجنبيه بس هو خذى عياله يربيهم طبعا امه لي تربيهم



وعقبه منصور وعمره 19سنه راعي حواطه ماييلس فالبيت وماتم مول الا وزاره خخ و حريف فالرسوب الاسااتذه حفظوه بعده صف عاشر والمفروض هو مخلص احينه
<<< (( بس وايد يغيب وجنهـ مايدااوم عما قريب بينفصل ان شاء الله خخ ))


وعقبه محمد وعمره 15 سنه محمد دحيح زمانه خخخ وماله حس فالبيت


((واخر العنقوود )) العنود وعمرها 10 سنوات نفس عمر خلفان خلفان مايقولها خالوو يزقرها عنودي ودومها اتحرج عليه هع




عائلهـ بو فلاح : (( عندهم 2 بس ومايفكررون بغيرهم وهمهم كيف يربوونهم احسن تربيهـ ))


فلاح عمره 19سنه يعشق بنت عمه ابرار بس هي موووووول طااااااااااااف ولا داريه عنه وحالته نفس حالت منصور الرسووب مرافقنهم خخ حليلهم


اشجان وعمرها 16 سنه نفس عمر ابرار وتقريبا لهن نفس الصفات

بوفلاح عمره 39

وام فلاح 37 سنه


وطبعا ماننسى البيييج بووووووووووووس الراس العوود اليد ))

واليدهــ


خلصنا من هل العــــــ~ــــــــين دار الزين

انروووووووووووح لبوووظبي ^_^ فديت دار الظبيي




((و عائلهـ ابو جاســـــــــــ~ـــــــــم ))



ابو جاسم وعمره 47سنه ريال يحب عيالهـ ويموت فيهم ومن الشركهـ للبيت عنده شركهـ ومحلات


وام جاسم 44سنه حرمهـ طيبهـ ومربيهـ عيالها عالطيبهـ


ابرار وعمرها 16 سنه هاديه ومتفووقه فدراستها ومالها بسوالف البنات اببببد عيونها وسااع وطيووبهـ وحبووبهــ وشعرها مايل للبني وبيضهــ


وجاسم عمره 11 سنه راعي سوالف وكلهـ ينكت فالبيت مع انهـ صغيررررر

وحارب 6 سنوات همه اللعب وبسسسسسس وفحالهـ مول مايرمس حد

وفلاح عمره 3سنوات ونصصصصصصصص وابرار هي لي مربيتنه ودومه وياها ^^



(( الباارت الاول ))


&~ نبد أ احداث القصهـ فالعيــ~ــن دار الزين وتحديدا في فلي هزاااع على تغاريد الصبح واوول اياام العيد &~



عائلة بو خالد وبو علي وبو جاسم متيمعين ماعدا عائلة بوفلاح لانهم عزموو ييون العصر


البنااات طبعا راقداات لانهن سهرن ينضفن ويعدلن وتعباناااااااااات

اما الشباب قااموو عسب صلاة العيد


فحجرة البنات الصبح :

جواهر وابرار راقدات :

ام جاسم ادش الحجرة وتزااعج : ابرار بسج قومي خستي من الرقااد عيد استحن ع ويوهكن

ابرار : اميه بلاج اتزاعجين من صباح الله خير...... كل عام وانتي بخير


ام جاسم : وانتي بخير.. خخ ...السموحه لكنج خليتني احرج ماتجوفين الساعةكم وانتن للحين رقوود

ابرار : والساعة كم يعني الا هي ثمان ونص

ام جاسم : هيه.... بس اليوم عيد


ابرار : انزين اميه ماعلينا متى بنرد ؟

ام جاسم :وين انرد ؟@@
(( وجان اتفج الام عيوونها خخ لانهم امس واصلييين ))
ابرار : بوظبي


ام مبارك :يالله بصباح خير..... اسميج وحده متفيجه.... اقولج قومي لبسي احسن واغتسلي وانا بظهر من هالحجرة قبل لاتخبلين بي


ابرار : هههههههه اميه بس فطستيني من الضحك خخخخخخخخخخخخخخخ


ام جاسم : فطسي وفكينا منج ومن خبالج <<من ورى خاطرها طبعا لان ابرار خبلت بها خخ



ابرار: افا افا افا تبيني افطس انا لو فطست مننو بيتم لج من عقبي اهىء اهىء خخخخخ انا وحيدتج ودلووعتج جي اتقوولين لي



ام جاسم: بسج ودري عنج الرمسة الزايده وقومي لبسي... العرب كلهم برع



ابرار : انجين... بس شوي شوي طشوووونه برقد خخ << واوونها ردت تتلحف

ام جاسم : بالطقاق رقدتي قرن ان شاء الله

ابرار : هع هع العيوز زعلت

ام جاسم : محد عيوز غيرج شطول لسانج مب بنيه حشى


ابرار ماشاء الله عليه اصلا شي ناس يتمنوني ارمس وياهم بس اان مااعطيهم ويهـ الا انتي الوووويهـ كله لجج فديييت ويهج << اتقردن من صباح الله خخ



ام جاسم: هيه تراها طولت اللسان ماتظهر الا عندي

ابرار : انزين اميه ابويه نزل الجنط من السيارة ولالا؟<< بتغير الموضووعع



ام جاسم : هيه وشو هالسمان لي جدامج ماتجوفين ؟



ابرار: خخخخ خلاص انتهت مهمتج ياامي هع جاوو


ام جاسم : اسميج جليله تربيه الشرها عليه اخذ وعطي وياج ومخليه العرب برررع





و((ظهرت من الحجرة وابرار تمت تضحك خخخخخخ طبعا تدري امها انه ابرار اتسولف وياها وماتقصد لانهم دوم جيه هي وامها شرات الربع))




ابرار بينها وبين نفسها : ااااااااااااااااااااااااااااااه فديتج يابوظبي.... صدق ملل ...هني.... وينج يا شجوني متى بتين اهىء


وقامت عسب اتقوم جواهر لكنها ماطاعت اتقوم لانه خلفاان مااخلاها ترقد وفووق ها كانت يالسهــ اترتب البيت واتسووي سووووووويت العيد




اتعدلت ابرار ولبست مخور وردي وحطت جحال على عيوونها
وظهرت برع كانت غاديه شرات القمر المكتمل

....ولا اتجوف القوم كله برع يدتها ويدها وعمامها وولاد عمها وماشي بنات الا جواهر وهي اكبر عنها والعنوود وياهل خخ <<مسكين حالها خخ



سارت ابرار اتسلم على عمامها ويدها ويدتها


بو علي : هيييييييييييييييييييييييييها ابرار كبرتي ونسيتينا وينج

ماتنجافين ولا حتى ترفعين التلفون اتقولين بسلم على عمي افاااااااااااا عيل اليوم ماشي بتمين هنيه وماشي رده لبوظبي الا عقب اسبوعين




بو جاسم : خلها بنتي وشو تبابها خلها فبيتهم تراها بنت عرب مب كل يوم فمكان متشتته



بوعلي : والنعم لكنا نحن مب غرب نحن عمامها وقبل لا يكون بيت عمها بيت ابوها اكييييييييد


بو جاسم : تسلم ياخوي


ابرار هههه خلاص فالك طيب عمي ...............<<من ورى الخااطر خخ



يت عنودي بنت عمها تركض << الكل يطالع عنوودي ومستغرب


عنود : ابرار ابرار تلفووووووووووووووووون مباايلج وايد حشرة وايد كان يدق


ابرار : هيه انزين يبيه لي


عنود: هيه يبته

وعطتها اياه

ونشت ابرار لانه ربيعتها خولة كانت متصله

خولة مرحبا مرحبا برااعيه الصووووووووت عيدج مبارك ياعسل

ابرار :يامرحبا بج علومج؟

خولة :ترتوبيشن

ابرار :عله مديم

خولة : وياج .......وشو العيد وياج فديت طوايفج ؟


ابرار : ترتوبيشن ع قولتج بس ملل والله محددددددددددددد هنيه غيري انا بنيه وجواهر بنت عمي لي معرسه

خولة : عيل وين اشجان عنج ؟

ابرار: مادري عنها بتي العصر

خولة : الله يعينج

ابرار : لو سمحتي لا تتفدين طوايفي بليززززززززززز يعني خخخ

خولة : غربلاتج خخ

ابرار : ها وانتي شو العيد وياج

خولة : والله شو اقولج عالاقل انتو تتيمعون نحن بروحنا وانتي اتعرفين السبب اعتقد
(( السبب انهـ شي ضرابهـ بين ابووها وبين عمامها عسب الوورث عسب جي مايتيمعوون))


ابرار : افا عليج متى مامليتي دقي لي وانا تحت امرج


خولة:تسلميين فدييتج ^_^


ابرار : الله يسلم طوايفج هع ......يلا عيل بخليج انابسير المطبخ اساعدهم


خولة : لو سمحتي لاتتفدين طوايفي هههههه

ابرار : ويا راسج خخخخخخخ يلا انجوفج عقب مع السلامه تيك كيرر

وقفلت ابرار التلفون...


(( سووري الباارت كاان قصيرر بس ان شاء الله البارت الياي اطوول ^^))