بسم الله الرحمن الرحيم ..
.. السلام عليكم ورحمة الله وبركاته ..
المهيري: وينك ياطيري, دربك غدا دربي ووافي في مسيري.
والسويدي : بطيبه غدا سيدي, ولي اغليته يا ناس هب بيدي.
والفلاحي: طاريه لوّاحي, له عيانن سود ذبّاحي.
واليبهوني: ماي عيوني, ماينومس بناموس مشرّف من دوني.
والسبوسي: كامل وصوفي, حلو الاطباع ماياك هوياسي.
والدرمكي: باغظه يخسي, يعاف مياحد العوف ,منصبه قوي.
والبواردي: تراه مرادي, ياكبر حظي لي طلبني فوادي.
والمشغوني: من الناس شغلني, سلّمت له روحي غاية اعيفه باقي الغواني.
والعتيبه: فطلته هيبه, لاحشى هب خيبة ولا نيبة.
والبادي: ماتخلّى عن منادي, تلقاه لمد العون مايمادي.
والفلاسي: نسل ياسي, لمحنتك مواسي كريم بقياسي.
والحميري: يا حبي العطيبي, ودي لوصلك يا هجيري.
ويالخييلي: لك سلامي, يانادر الوصف مالشرواك اسنافي.
العميمي: مايقوى لضيمي, قادني للزود لين اصبح رهيني.
الكتبي : دومه يرحّب بي, ونيس ولي دعيته يلبّي.
والنيادي: عينه تشافي, عزيز علي وغالي ياولد السنافي.
والقبيسي: رفيق دروبي, به تنير ايام ٍ سود ٍ قاسياتي.
والهاملي: غيره انا من لي؟ بشوفته ازهرن ورد ايامي.
والجريري : ليته في داري, ونسمر للصبح قمّاري.
والمنصوري: يا حلم يا ناري, صعبه زلّته, وحبه ذل عاري.
والاحبابي: عرقٍ سما بي, اصل وشهامة مايوم ٍ شقابي.
والعامري: برمسته غدابي, نهبني وليته اول عذابي.
والشامسي: يابعد هلي وناسي, ماظني لوصلنا ناسي.
والملوحي: طيّب سموحي, تانس الخاطر شروحي.
والشحي: من رؤوس اليبال نطاحي, قوي وبدنه كله صحي.
والدرعي: ودّي بغياه لو ما يسدني, لانه شفا سمعي.
والكعبي: زينه شط بي, لو مابغاني, مابيلعب بي.
الرميثات: مصيبه.. نتبعهم بالغصب.. لقينا فيهم طيبه.. ماريناها في
العرب.
السموحة منكم
موضوع: كل قبيله ولها بيت من الشعر ... 
الأحد مايو 04, 2008 6:23 pm
